QGIS — amaliy
QGIS'da real loyiha ustida ishlaymiz: ma'lumotni tayyorlashdan tortib ko'p mezonli tahlil, grafik modeler orqali avtomatlashtirish va chop etishga tayyor xarita tuzishgacha.
- Daraja:
- Professional daraja
Tez orada
Tez orada ochiladi
- Muddat
- 30 kun
- Sertifikat
Nimani o'rganasiz
Kurs haqida
Bu kurs QGIS asoslarini biladiganlar uchun. Bu yerda tugmalar qayerda joylashganini emas, masalani qanday yechishni o'rganasiz — har bir mavzu bitta yaxlit loyihaning bosqichi sifatida ketma-ket boradi.
Loyiha shunday qo'yiladi: hududdan yangi obyekt uchun eng mos joyni tanlash kerak. Buning uchun turli manbalardan kelgan ma'lumotni tozalaymiz, relyef va masofa bo'yicha shartlarni qo'yamiz, ularni bir nechta mezon sifatida birlashtiramiz va natijani xaritada ko'rsatamiz.
Kurs to'rt bosqichdan iborat:
- Loyihaga tayyorgarlik — masalani aniqlash, ma'lumotni yig'ish, koordinata tizimini to'g'rilash va xatolarni tozalash.
- Fazoviy tahlil — bufer, kesishma va birlashtirish amallari, relyef tahlili, ko'p mezonli baholash.
- Avtomatlashtirish — grafik modelerda ish oqimini tuzish va bir xil amalni o'nlab fayl ustida ommaviy bajarish.
- Natija — xarita kompozitsiyasi, chop etish uchun tayyorlash va boshqalar bilan ulashish.
Har bir mavzudan keyin amaliy topshiriq bor — o'zingiz bajarasiz. Kurs oxirida ishlaydigan model va tayyor xarita qo'lingizda qoladi.