Maxfiylik siyosati

1Umumiy ma'lumot

Ushbu siyosat GEOINFO.UZ platformasidan foydalanish jarayonida qanday ma'lumotlar to'planishi, ular qanday saqlanishi va ishlatilishini tushuntiradi.

Platformadan foydalanib, siz ushbu siyosatda ko'rsatilgan tartibda ma'lumotlaringiz qayta ishlanishiga rozilik bildirasiz.

2To'planadigan ma'lumotlar

Siz taqdim etadigan ma'lumotlar:

• Telefon raqam — ro'yxatdan o'tish va tizimga kirish uchun
• Ism va familiya — ixtiyoriy, profilda ko'rsatiladi va sertifikatga yoziladi
• Profil rasmi — ixtiyoriy
• Sharh va savol matnlari — siz yozgan holda

Avtomatik to'planadigan ma'lumotlar:

• Qurilma va brauzer haqida ma'lumot — qurilma chegarasini nazorat qilish uchun
• IP manzil va kirish vaqti — xavfsizlik maqsadida
• O'zlashtirish ma'lumotlari — qaysi darslar ko'rilgani va qachon
• Test natijalari — urinishlar soni va to'plangan ball
• Tashrif qayd etish — qaysi sahifa ochilgani va qayerdan kelingani. Bu ma'lumot umumiy statistika uchun, shaxsga bog'lanmaydi

Platforma bank kartasi ma'lumotlarini to'plamaydi va saqlamaydi.

3Ma'lumotlardan foydalanish

Ma'lumotlar quyidagi maqsadlarda ishlatiladi:

• Hisobingizni yaratish va tizimga kirishni ta'minlash
• Kurslarga kirish huquqini boshqarish
• O'zlashtirishni saqlash va ko'rsatish
• Kurs tugatilganda sertifikat tayyorlash
• Xavfsizlikni nazorat qilish va ruxsatsiz kirishning oldini olish
• Platformadan foydalanish statistikasini yuritish va xizmatni yaxshilash
• Xizmat bo'yicha muhim xabarlarni yuborish

Ma'lumotlar reklama maqsadida ishlatilmaydi va uchinchi shaxslarga sotilmaydi.

4Ma'lumotlarni ulashish

Shaxsiy ma'lumotlar uchinchi shaxslarga sotilmaydi va ijaraga berilmaydi.

Ma'lumotlar faqat quyidagi hollarda ulashiladi:

• SMS xizmati — tasdiqlash kodini yetkazish uchun telefon raqam
• Qonun talabi bo'lsa — vakolatli organlarga, qonunchilikda belgilangan tartibda

Quyidagilar ochiq ko'rinadi:

• Sertifikatdagi ism va kurs nomi — sertifikat kodi bo'yicha ochiladigan sahifada. Havolani sertifikat egasi o'zi ulashadi, lekin kodni bilgan har kim ko'ra oladi
• Kursga qoldirilgan sharh — matni, bahosi, muallif ismi va avatari kurs sahifasida ko'rinadi
• Darsga yozilgan savol va unga berilgan javob — shu kursga yozilgan boshqa o'quvchilarga ko'rinadi

Sharhdagi «nima yoqdi» va «nimani yaxshilash kerak» degan ixtiyoriy javoblar saytda ko'rsatilmaydi — ular faqat kursni yaxshilash uchun ishlatiladi.

5Ma'lumotlar xavfsizligi

Parollar shifrlangan holda saqlanadi — ularni asl ko'rinishda hech kim, jumladan platforma xodimlari ham ko'ra olmaydi.

Sayt bilan aloqa HTTPS protokoli orqali shifrlanadi. Tizimga kirish urinishlari nazorat qilinadi va shubhali faollik aniqlansa cheklov qo'llaniladi.

Shunga qaramay, internetda ma'lumot uzatishning mutlaq xavfsizligini hech bir platforma kafolatlay olmaydi. Parolingizni maxfiy saqlash sizning zimmangizda.

6Ma'lumotlarni saqlash muddati

Ma'lumotlar hisobingiz faol bo'lgan davrda saqlanadi. Hisob o'chirilgach, shaxsiy ma'lumotlar 30 kun ichida o'chiriladi.

To'lov va buxgalteriya hisobiga oid yozuvlar qonunchilikda belgilangan muddat davomida saqlanishi mumkin.

7Foydalanuvchi huquqlari

Sizda quyidagi huquqlar mavjud:

• Ma'lumotlaringiz bilan tanishish
• Noto'g'ri ma'lumotni tuzatish — profil sozlamalarida
• Hisobingizni o'chirishni so'rash
• Ma'lumotlaringiz nusxasini olish

Hisobni o'chirish va ma'lumot nusxasini olish so'rovlari hozircha qo'lda bajariladi — quyidagi havolalar orqali yozing, murojaat 10 ish kuni ichida ko'rib chiqiladi.

8Cookie fayllari

Platforma cookie fayllaridan tizimga kirgan holatni saqlash va sayt sozlamalarini (masalan tanlangan mavzu) eslab qolish uchun foydalanadi.

Sahifa tashrifini hisoblashda sessiya belgisi ishlatiladi — bir odam bir sahifani qayta ochganda u ikki marta sanalmasin. Bu belgi shaxsga bog'lanmaydi va faqat umumiy statistika uchun xizmat qiladi.

Reklama cookie'lari va uchinchi tomon kuzatuv xizmatlari ishlatilmaydi.

Cookie'larni brauzer sozlamalarida o'chirishingiz mumkin, biroq bu holda tizimga kirish ishlamaydi.

9Siyosatga o'zgartirish

Ushbu siyosatga o'zgartirish kiritilishi mumkin. Muhim o'zgarishlar haqida foydalanuvchilar xabardor qilinadi, yangilangan sana sahifa tepasida ko'rsatiladi.

10Aloqa

Maxfiylik bo'yicha savol va so'rovlar uchun: